#1  
قديم 05-08-2008, 09:04 PM
همس الجفون همس الجفون غير متواجد حالياً
عضو مشارك
 
تاريخ التسجيل: Apr 2008
المشاركات: 36
افتراضي طفولة معاق

 

الطفوله ..

أحلى مافي هالحياة

مرحله من غير هم

كنـّا دايم نبتسم

كنـّا حتى لو بكينا ... وجارت الدنيا علينا

بعد لحظـات وثواني ...

بسمه فينا ترتســم

كنـّا نركض خلف كورة ...

لا لا أنا ماكنت معهم؟

وحدي بس بعيد عنهم ...

كنت أضحك من ضحكهم ...

جالس لحالي أهذري!...

جالس أحسب كم( كُوبري )
*
...

صلـّحه( أحمد ) في ( ماجد ) ؟؟

والله واجد!!

وقبل ما يحل الظلام ...

للبيوت نروح نجري ...

لا لا أنا ماكنت معهم !

أمشي وحدي بعيد عنهم ...

أمشي وأعدد أثرهم!

وهم عني يبعدون ...

يبعدون ... يبعدون ...

إلا( ماجد )!

كان مثلي حيل ضايق ...

بس حزنـي كــان حارق

كان يسألني ببراءه : ...

ليه تعرج ؟ ... قلت مادري ! - باستياء -

ليش تبكي ؟ قلت مابكي - بكبرياء -

ضاق مني ...

ثم سألني في غباء ...

قال ( وثرايك تـثــابق )؟

وراح عنــّــي ... !!


****

كنت أسأل دوم نفسي ...

ليش ما أركض معاهم ؟؟

ليش دوم أمشي وراهم ؟؟

وش بلاي ؟؟ أو وش بلاهم ؟؟

ليه أنا غير الأنام ؟؟
زاحمتني الأسئله...

كل شيٍ أجهله ؟

وإن تعبت من الإجـــابه...

أحظن الحيـــره وأنام .


****

مرّت سنين وكبرت ...

صار همّي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز )!

يعني بيني وبينكم

مليون حاجـــز !!!

صدقوني ذي حقيقه ...

لا طلعت السوق ... كل مامشي دقيقه

القى كل شوي أبله !

يمشي ويناظر صديقه ...

ويغمز له

يقول : ناظر...!

وش يناظر ؟؟

وتتفجّــر في خفوقي
ألف ضيقه

ووحده في وسط الزحام ...

طالعتني باهتمام ...

بنت في عمر الزهو ... أي رشاقه ... وأي أناقه ...

وأي عطـــور !!

قلت في نفسي ياهووووه

هي تناظرني بغرام ؟ أو هي نظره والسلام ؟

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توي افتكرت ...

لي قصيده ...
كنت ناشر معها صوره

بس صوره ... ياسلااااا م

وفاجأتني ...

لمـّا صارت لي قريبه ... كانت تـتمـتم بطيبه

( يكسر الخاطــر حـــرااااام ) !!!!!

وتركت دمعه غريبه ...

وضاعت بوسط الزحــام n
دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

أصعب اللحظــات وأقسى

لاغدا الرجـّــــال يكسر ... خاطر انثى

كيف ينسى ؟؟؟

جاوبوني !

****

وزاد همّــي ...

يوم فكــّـرت بوظيفه ... ثم زواج

أي وظيفه ... وأي زواج ؟؟

اللــي مثـلي ...

مهما طالب ... لويلف ولو يدور

زين لو حطـــّــوه كــاتب

لا ... وعلى بنــد الأجـــــــور ...

ماهو رسمي !!!

صدقون لو تدرّج ... وصار راتبه يتصاعد

وابتــدا وضعه يزين

ما أظنه بيتزوّج ... إلا من بعد التقاعد

من سنه الى سنتين !


****

وفي النهــايه ...

يابلــدنا... مهما كانت تسميتـنا

عاجزين ... معوّقين

لك عهدنا... وذا قسمنا:

أقسم بالله العظيم ... منزل الذكر الحكيم

أن أصونــك يابلادي ... من شرور العابثين

من مطامع كل حاسد ... من نوايا كل فاســد

وإني لك حصن ٍ حصين

إنتي ناديني وشوفي ... لا نويتي باجهــاد

والله أقهر لك ظروفي ... دامك إنتي لي بــــلاد

وباسم كل العاجزين ...

دام فينا أصبع يطول الزنـــاد

لا يهمــّـك يابلادي ...

وازهليهــــــــا.

 

__________________
مـــــــــــن أعـــــــــز الـــــنـــــاس الـــــــــــى أغـــــــلـــــــــى الــــــــناس
رد مع اقتباس
  #2  
قديم 05-10-2008, 01:02 AM
ألم الفراق ألم الفراق غير متواجد حالياً
عضو مشارك
 
تاريخ التسجيل: Apr 2008
المشاركات: 44
افتراضي

 

وااااااااااااااااااو
بصراحه كلام متناسق وجميل ورائع وكاتب الموضع اروع
مشكور يا همس الجفون
قلبك حنون بجد
تحياتى

 

__________________
آلـــــم الـــفــــراق
من أعـز الـناس إلى أغـلي الناس
رد مع اقتباس
  #3  
قديم 05-17-2008, 10:27 PM
rosha rosha غير متواجد حالياً
عضو جديد
 
تاريخ التسجيل: May 2008
المشاركات: 1
افتراضي

 

راااااااااااااااااااااااائع

جزاك الله خيرا

 

رد مع اقتباس
إضافة رد

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


 المكتبة العلمية | المنتدى | دليل المواقع المقالات | ندوات ومؤتمرات | المجلات | دليل الخدمات | الصلب المشقوق وعيوب العمود الفقري | التوحد وطيف التوحد  | متلازمة داون | العوق الفكري | الشلل الدماغي | الصرع والتشنج | السمع والتخاطب | الاستشارات | صحة الوليد | صحة الطفل | أمراض الأطفال | سلوكيات الطفل | مشاكل النوم | الـربـو | الحساسية | أمراض الدم | التدخل المبكر | الشفة الارنبية وشق الحنك | السكري لدى الأطفال | فرط الحركة وقلة النشاط | التبول الليلي اللاإرادي | صعوبات التعلم | العوق الحركي | العوق البصري | الدمج التربوي | المتلازمات | الإرشاد الأسري | امراض الروماتيزم | الصلب المشقوق | القدم السكرية



الساعة الآن 02:51 PM.