[احلام]

 

السلام عليكم
انا شاكرة لك دكتور حسام للمعلومات المبسطة وبأكد لك انها راح تجيب نتيجة باذن الله .
انا ولله الحمد عندي 8 اطفال في صفي 3 هايبر وطفلة توحد والباقي داون موزايك والحمد لله اني قادرة اني اضبطهم وامشي معهم اكاديمي بسيط حسب الخطة التعليمية لكن الطفلة التوحدية هي الوحيدة الي بحاول اعدل سلوكها بالاول وهي ماخدة على انا من جميع المدرسات والمشرفات والمساعدات في المدرسة لكن انا لما يكون عندي درس بخليها تلعب على راحتها وبعدين بعطيها فردي ومساعدتي بتساعدني في باقي ال7 اطفال وبنسيب الطفلة التوحدية تنمي مهاراتها اما بمطابقة الاشكال او بالبناء بالمكعبات والتركيب او بالصلصال ولكن اذا دخلت المشرفة او المديرة بتطلب مني اني اقعدها على الكرسي حالها حال باقي الاطفال فالطفلة بتصرخ وبتتدايق لو بتشوف حد غيري بالصف فالمشرفة بتروح حاملها بالغصب وحاطاها في كرسي التوحد طبعا البنت بتصير تصرخ طول اليوم لانها ما بتحب تنحبس بالكرسي بدها تلعب على راحتها بس لانا مدرسة فلازم نحافظ على الشكل العام للصف وكل طالب يكون بمكانه المخصص له مع العلم ان الطفلة مبدعة فنيا وموهوبة وخيالها واسع وبتصنع اشكال بالمعجون يمكن الفنانين المتخصصين ما بيتقنوها وبتعمل مجسمات متكامة حتى الشجرة على سبيل المثال بتجزئها لجذع واوراق كل ورقة على حده انا احيانا بنصدم من التفاصيل الدقيقة الي بتنجزها فانا بدي اخد مشورتك اذا تكرمت كيف انا ممكن انمي مهاراتها بطرق ممكن تساعدها اكاديميا
لانه تحدي كبير بيني وبين نفسي اني اقدر اتعامل مع طفلة توحد وانا غير متخصصة في هذا المجال

وسأكون شاكرة لك جزيل الشكر ...

اطيب التحيات