خايفة من التوحد

> السؤال:
بنتي عمرها سنتين وشهرين عندها الكثير من اعراض التوحد من عمر السنة والنصف صارت ماتلتفت اذا نادينها دائما مركزة في التلفزيون تدور حول نفسها بس ثواني تضرب براسها على الخلف على المخدة وتزيد اذا بغت النوم ماتلعب مع الاطفال حتى اختها الا نادرا تحب تشوف الاطفال يلحقون بعض تطالعهم وتضحك ماتكلمت ابد ولاتنادي ماما وبابا بس تردد كلمات الاناشيد الي تحبها نفهم الالحان بس مانفهم الكلام وتقلد حركاتهم قلدتني كذا مرة وانا اصلي في الركوع والسجوداكلها طبيعي وكويس ونومها شبة طبيعي تقوم احيانا تبكي في الليل تبي انام جنبها واذا شافتني تنام وتهز راسها اذا تبي نوم ماتقاوم التغير في البيئة وتحب الخروج والسيارة تفهم اح وتعرف الخوف تمشي احيانا على اصابعها بس ثواني وكذا مرة لاحظتها تضحك بدون سبب ترفرف بيديها اذا فرحت تبكي اذا شافت طفل يبكي ماتفهم الاوامر ولا تاشر على الاشياء اذا في يدها شي وقلت هاتية تعطيني تحب تتصفح الكتب والمجلات وتشيل علب الكريمات والشامبو واغراض المطبخ بس ماتطول شوي وترميها مو متعلقة بشي معين اذا قلت حبيبي ومديت يدي تجي تركض عشان اضمها وابوسها بس ماتبوسني تحب تطالع في اذا لحنت القران اوغنيت الاناشيد وتحرك شفايفها معي رحت على دكتور اطفال سوالها تحليل الغدة والحديد وطلع سليم وسوى فحص للاذن ولقاها مليانة شمع وقال احتمال عندها موية في الاذن وحولنا لدكتور اذن وموعدها بعد اسبوعين سوالي هل لو طلع عندها مشاكل في الاذن والسمع هل هي سبب هالاعراض ام احتمال التوحد اقوى انا ذبحني التفكير في بنتي لان كل من شافهاقال بنتك في عالم ثاني انا خايفة من المجتمع المريض اكثر من المرض نفسة لان التوحد عندهم = جنون ومن الخدمات المتاخرة في علاج هالمرض والمراكز الخاصة بالعلاج ماتوجد الا في المناطق الرئيسية وحنا بمحافظة بعيدة والسفر شاق وسوالي الثاني هل كثرة مشاهدة التلفزيون من الصغر والعزلة تسبب التوحدارجو الرد فانا في حال لايعلمة الا الله ولم اجد من اشكي علية بعد الله الا انتم وجزيتم خيرا واسفة على الاطالة

ام الحلوات , السعودية

> الجواب:

انا خايفة من المجتمع المريض اكثر من المرض نفسة لان التوحد عندهم = جنون........ والكثير من الأمهات المتعلمات يحاولون جمع أعراض التوحد في أطغالهم ...... يتشبثون بعلامة حصلت مرة واحدة ...... يحاولون تخيل التصرفات الطبيعية في مثل هذا العمر إلى أعراض ... أعانك الله على نقسك أولاً ...... وأن لا تجدي الطبيب الذي يعتمد على تخيلك لتلك الأعراض