هل طفلي مصاب بالتوحد

> السؤال:
طفلي عمره 4سنوات و3 شهورمؤخرا بدأ في تكوين الجمل وان كانت قصيره مثل ماما اعملي حليب او لما احممه وتكون المويه بارده يقول مويه بارد او لما يشوف سياره حمرا يقول سياره احمر لانه ماشاء الله يعرف الالوان وكمان بعض الحروف الانجليزية والارقام من 1- 10 والارقام الانجليزي انا اقول ون وهو تو اقول ثري وهو فور وهكذا حتى يقول تن .متعلق بالتلفزيون والاحظ يقلد كل شي والايات انا ابدا الايه وهو يكمل الكلمه الاخيره ومرات اجربه اكتب اغراض بسيطه في ورقه يعني كاكاو وعصير ويروح البقاله اللي جنب البيت وانا طبعا اتابعه بدون ماينتبه لوجودي . ويجيب الاشياء ويجي ويعطي اخته الصغيره لما اقول اعطي اختك ولما اسأله عن اسمه يقوله كامل واسأله عن اسم اخته يقوله صح ويعرف لما اقول هيا عند فلان ( اي احد من الاطفال ) يمشي قدامي ويعرف كل واحد باسمه من العايله لكن ولدي عصبي جدا يعني لو ماسويت اللي يبغاه يصرخ لحد مااعطيه واحيانا لما اكلمه بالراحه يسمعني ويهدا والكلام مقارنه بالطفال اللي بعمره متأخر عرضته على اخصائي طب نفسي وقال ماعنده توحدلكن معلماته في الروضه مصرين لانه انفعالي وكلامه متأخر لدرجة انه مره قال كلمه والمعلمة كررتها وراه وهي تضحك نظر لها بطريقه تفيد انه غضب لما اقول كلمه وتكون جديده بمعنى انه مااتقنها ينظر لي بتركيز ويحاول يرددها معايه واحيانا يشعر بصعوبه في نطقها فيبتعد وياخذلعبه او يروح للتلفزيون لكن ماأحس انه يتفاعل مع الاطفال الاخرين بشكل جيد ولكن احيانا يشاركهم اللعب ولا يحب ان يلعب احد بألعابه ولكن اذا حصل على لعبه جديده يتنازل عن القديمه ويعطيها لاخته . يحب الاحضان ولما ازعل منه او ارفع صوتي عليه يحتضني بقوه ويقول حبيبي . في الروضه وهذه المشكله نهائيا لايتكلم مثل المنزل وطوال الوقت يقول كلام غير مفهوم ولكن اذا رجع المنزل يتكلم معنا بطريقته وهذا مايزعجني لما يتكلم في المنزل وفي الروضه يتغير كليا .عندما يشاهد افلام الكارتون وخاصه التي تكون سريعة وفيها حماس وسيارات سريعه يكون سعيد ويجري في الغرفه ويقول سياره سياره واذا لم اعطيه اهتمام يأتي الي ويمسك وجهي ويوجهه اليه ويعيد كلامه او يجري في الغرفه ويصرخ بفرح اذا جاء شي يعجبه في التلفزيون سؤالي هل هذه اعراض توحد كما يقال وبالمناسبه ابني تعلم استخدام الحمام منذ الثالثه واحيانا يأتي ليخبرني اذا كانت الاضاءة في الحمام مغلقه وهو لايخرج الى الشارع ولايلتقي بأحد من الاطفال الا نادرا قد تكون كل شهرين مره بمعنى انه يقضي 3ساعات في الروضه وباقي الوقت في المنزل وانا اسكن بمنطقه بعيده عن اهلي واخته تبلغ من العمر سنه و11 شهر .

فجر , السعودية

> الجواب:

ليس لديه علامات توحد - فقط تأخر لغوي